RagnarRök

Mánudagur til mæðu

2006-02-06T19:51:00.000Z

Ætlað að fara í ræktina kl 0600 í morgun með Tóta. Vaknaði kl 0530 og hóf reglubundin morgunverk þegar ég fékk sms frá Tóta þar sem hann boðaði forföll í eins fáum orðum og hægt er. Verð nú að segja að ég var frekar feginn yfir því...ótrúlega gott að skírða upp í rúm aftur og sængin ennþá heit. Svaf til að ganga 11 og kom mér niður í skóla til að sitja fyrirlestur í jarðsögu 2. En ég missti nánast þvag að hlátri þegar ég kom niður í bílageymslu. Þannig að mál með vexti að ég hef tvo bíla til umráða þessa stundina, þar sem amma og afi eru á Kanarý. Á laugardagskvöldið skildi ég annan bílinn eftir hjá Ingó og fékk mér nokkra öl. Í gær fór ég svo heim til Ingó og lét hann taka minn bíl heim og ég ætlaði svo að skutla honum heim aftur á ömmu og afa bíl. Ég sagði við Ingó að setja bílinn inn í bílageymslu og hann virtist ekki eiga í neinum vandræðum með það. En þegar ég kom niður í geymslu daginn eftir var bíllinn í stæðinu á mót mínu og ekki nóg með það heldur var hann á mitt á milli tveggja stæða þannig að rétt tæpir tveir metrar voru í vegginn sitthvoru megin. Þannig að nú halda íbúar neðstaleitis 5 eitt af tvennu. "Ragnar hefur komið heim á bílnum blindfullur og ekki einu sinni reynt að leggja honum rétt" eða "bakkgírinn í bílnum hans Ragnars hefur skyndilega bilað, rétt áður en hann ætlaði að baka í stæðið sitt"
Annars var ég að setja inn nokkra nýja linka hérna til hægri undir Tónlist. Ég er ennþá að klára að útbúa myspace-ið mitt, en það verður klárt von bráðar.

Helgin sem er að líða

2006-01-29T22:03:00.000Z

Það er búið að vera hellingur að gera þessa helgi eins og oft áður. Við Tóti hófumst handa við að mála Lappann okkar. Setti inn nokkrar myndir á myndasíðuna. Við ákváðum að hafa sömu liti, gult og rautt. Ástæðurnar eru fyrst og fremst praktískar. Bílinn þarf einfaldlega að sjást á fjöllum þegar við förum t.d. á rjúpu. Litirnir voru blandaðir eftir litakóða frá Porsche og að sjálfsögðu er bílinn málaður á höndum með rúllu og pensli. Búið er að setja vélina saman og bíður hún nú gangsetningar. Á föstudaginn fór ég í vísindaferð í Ístak. Ljómandi góð ferð og forstjóri fyrirtækisins átti ansi góða spretti. Sérstaklega þegar hann komst að því að nokkrir ferðamálafræðinemar voru í hópnum. Kappinn náði að tengja þá ágætu námsgrein við fyrirtækið með því að viðurkenna að stundum væru notaðar rútur og flugvélar til þess að ferja starfsmenn þess.
Á laugardaginn skellt ég mér vestur í Húsafell í árlegt sumarbústaðarpartí sem haldið er af veiðifélaginu Bleikjunum ásamt veiðifélaginu Herkúles. Þar var djammað og sungið fram undir morgun að vanda. Ég setti inn slatta af myndum sem ég tók...sumar mjög smekklegar. Dagurinn í dag fór svo í að koma sér í bæinn og taka út almennan slappleika eftir helgina.
Á morgun eru svo liðin 25 ár síðan sjöunda hrina Kröfluelda hófst í Éthólaborgum í Gjástykki, en það gos stóð í 5 daga og hófst því nákvæmlega ári eftir að ég fæddist ... ég á semsagt afmæli á morgun.

Ampop og Elvis

2006-01-19T23:59:00.000Z

Var að koma af tónleikum með þessari fersku hljómsveit. Mæli hiklaust með þessu gæðastöffi. Jón Geir fór á kostum við trommusettið sló taktinn með ýmsum aðferðum. Ákvað svo að kaupa mér 7" vínilplötu með sveitinni sem var til sölu á staðnum. Á reyndar ekki plötuspilara en ég átti heldur ekki geislaspilara þegar ég keypti minn fyrsta geisladisk. Það er eitthvað svo ótrúlega skemmtilegt að spila vínilplötur. Ekkert digital rusl að flækjast fyrir manni. Maður bara blæs létt af plötunni og leggur hana í spilarann, lyftir nálinni og leggur við hlustir...eins og að skrúfa frá vatnskrana. Annars er lítið að frétta af stráknum. Er að hella mér í BS verkefnið á fullum krafti. Kvíði hálfpartinn fyrir því að lesa allar þessar greinar en það er þá eins gott að byrja bara snemma.
Annars prófaði ég eitthvað alveg nýtt um daginn. Ég prófaði að setja ól á gítarinn minn og spila standandi. Þetta hljómar ekkert mjög spennandi en þetta er samt mjög sérstakt. Þetta er einhvervegin miklu meiri fílingur. Maður getur hreyft sig miklu meira og tjáð tónlistina með líkamanum. Svo lokar maður bara augunum og ímyndar sér sal með svona 500 manns..."Góða kvöldið...takk fyrir að mæta á tónleikana mína". Ég er alveg viss um að aðþrengdu eiginkonurnar hinum megin við götuna hafi hitnað aðeins þegar þær sáu þennan granna Elvis sveifla gítar og mjöðmum í takt...eins gott að það var dregið fyrir gluggana.

Að lokum vill ég óska Tóta og Brynjari frænda til hamingju með afmælið í gær

Mættur !

2006-01-10T06:02:00.000Z

Kom keyrandi á föstudagskvöldið með foreldrum Dodda, þeim Svenna og Ágústu. Vorum 7 tíma á leiðinni í ágætis veðri sem versnaði eftir því sem við nálguðumst borgina. Svenni beitti fúkyrðum og bensíni á vestfirska vegakerfið sem kom bílnum nokkuð beint áfram.
Fékk síðustu einkunn afhenta strax eftir áramót, sem bara hlýtur að vera met hjá Háskóla Íslands. Náði að rífa meðaleinkunnina aðeins upp og get vonandi hækkað hana aðeins meira ef ég verð jafn duglegur á þessari önn, sem samanstendur af þremur námskeiðum og einu BS verkefni. Bíð núna spenntur eftir námsláninu. Fór í partí hjá Auði vinkonu Ingu á laugardagskvöldið. Náði að sannfæra Ingó, Kidda og Stjána að koma með mér alla leið upp í Árbæ, þó svo að ég væri ekki alveg viss um hvað ég væri að fara í. Frekar villt partý þar sem svalir gestgjafans voru notaðar sem skotpallur fyrir restina af flugeldum heimilisins. En ætla samt ekkert að gagnrýna það, þá væri ég að skjóta flugeldum úr glerhúsi.
Annars var ég að horfa á Tarantino hjá Conan O'Brien þar sem hann lofar íslenskan mjöð í hásterkt ásamt því að lýsa ákveðnum hópi kvenfólks í hnotskurn. Lýsing leikstjórans á för sinni til landsins kemur mér í raun ekkert á óvart. Alveg er ég fullviss um að þeir aðilar sem sjá um að skipuleggja komu kappans hafa eitt í huga. "Við verðum að fá Tarantino til þess að elska Ísland". Lausnin var aðvitað að blanda saman áfengi og fallegu kvenfólki.

Blessuð jólin

2005-12-26T00:11:00.000Z

...líða alltof hratt. Samt kærkomin stund í faðmi fjölskyldunnar. Er ekki alveg að ná því að ég sé að fara að skrifa lokaverkefni eftir áramót og svo bara gráðuna í vasann í vor. Finnst eins og ég hljóti að eiga eitthvað meira eftir. Kláraði síðasta skyldunámskeiðið núna sem var námsferð innanlands. Fékk senda einkunn úr því svona rétt fyrir hátíðirnar og fór hún fram úr björtustu vonum (9). Ætla samt að taka tvö námskeið eftir áramót...kannski þrjú sem styðja við lokaverkefnið. Fékk annars mest snyrtivörur í jólagjöf...á þeim eru að finna orð af ýmsum toga eins og "Hydra energetic", "Anti-stress" og "Anti-Tightness". Voðalega "metró" allt saman. Svo fékk ég Sony Walkman mp3 spilara. Sé fram á heilagt stríð við Ingó um hvort hann sé betri en Shuffle Ipoddinn...Ef einhver getur haggað Apple af afþreyingarmarkaðinum þá er það Sony. Aðrar gjafir voru meistaraverkið forðist okkur og gullfallegir ermahnappar.

Að lokum vill ég óska öllum vinum, hvort sem þið eruð erlendis eða hérlendis, gleðilegra jóla.

kveðja úr Wilta Westrinu

Prófum lokið

2005-12-16T16:09:00.000Z

Kláraði síðasta prófið í gær sem var í Ferðalandfræði. Annars hefur gengið nokkuð vel. Fékk einkunn úr jarðvegsfræði á miðvikudaginn....skoraði 9,5 takk fyrir. En svo þarf maður örugglega að bíða lengur eftir öðrum úrslitum. Annars er 3.árs landfræðipartý í kvöld hjá Jórunni. Þar verður tekið vel á því. Við fékagarnir fórum svo í keilu í gær. Þar var ákveðið að sá sem næði hæasta skori þyrfti ekki að kaupa sér áfengi fyrir partýið. Gerði mér lítið fyrir og sigraði með 122 pinna. Þannig að ég þarf ekki að hafa áhyggjur að því að eiga ekki nóg áfengi í kvöld. Á eftir að kaupa nokkrar jólagjafir...ætla að klára það á morgun og fara svo vestur á sunnudaginn. Þið ykkar sem ekki eruð búin með prófin óska ég góðs gengis...yfir og út

Nýr bloggleikur

2005-12-11T18:46:00.000Z

Þetta er nýjasta blogg æðið...Tók þetta af síðunni hans Steinþórs. Leikurinn virkar svona. Þú kommentar og segir mér nafnið þitt og...

1. Ég segi þér eikkað handahófskennt um þig

2. Ég segi þér hvaða lag/mynd minnir mig á þig

3. Ég segi þér hvaða bragð minnir mig á þig

4 Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig

7. Ef þú lest þetta verðuru að setja þetta á bloggið þitt!

ps...skal reyna að svara öllum þó að ég sé í prófum

Gull

2005-12-08T13:43:00.000Z

Í fréttum ríkisútvarpsins í gær var greint frá því að Gullæðið hefði loksins náð til Þormóðsdals. Hópur breskra áhættufjárfesta hefur víst sett 100 miljónir króna í giggið....and they are feeling lucky. Sem landfræðinemi verð ég bara að tjá mig aðeins um þetta. Í einu tonni af jarðskorpu er um 0,004 grömm af gulli. Til þess að gull safnist fyrir í arðbæru magni þarf tvennt. Plötuhreyfingar og veðrun. Báðir þessir ferlar ganga mjög hægt fyrir sig og minnsta tímaeiningin 10.000 ár. T.d. finnst gull á suðurhluta Grænlands í bergi sem myndaðist fyrir 2-3 miljörðum ára. Elsta sýnilega berg á íslandi er ekki mikið meira en 20 miljón ára gamalt. Þið getið væntanlega áttað ykkur á því hverjar líkurnar eru á að finna gull á Íslandi. Þessir áhættufjárfestar er náttúrulega menn sem vita ekki aura sinna tal. Við getur alveg eins kallað þetta glysgirni. Á meðan þið lásuð þessa bloggfærslu dóu um 50 börn því þau fá ekki hreint vatn. Þau eiga það sameiginleg með okkur íslendingum að eiga ekkert gull.

In memoriam
John Lennon (1940-1980)

Keypti mér geisladisk...

2005-12-05T18:54:00.000Z

...með Mugison í 12tónum. Hann heitir Little trip og er soundtrack úr bíómyndinni A Little Trip To Heaven. Finnst hann betri en Niceland diskurinn. Titillagið er reyndar eftir Tom Waits, en Mugi fer samt vel með það. Svo er aukalag á disknum...murr murr í aðeins breyttir útgáfu. Minnir að það hafi verið flutt í "hljómsveit kvöldsins" þegar kappinn var þar. Annars bíð ég spenntur eftir beiðskífu frá NilFisk...maður ætti kannski að láta gefa sér þetta í jólagjöf...annars er ég bara búinn að kaupa eina jólagjöf og hún er fyrir Guðbjörgu systir. Ætla að láta restina bíða fram yfir próf. Komst reyndar í smá jólaskap á laugardaginn þegar ég fékk að smakka maltöl í Nóatúni frá Víking...hljóp rakleiðis í kælinn og keypti malt frá Egils...(Sorrý Doddi...þið verðið að gera betur). Er að gera heimapróf í jarðsögu sem ég þarf að skila 9.des. Því næst er próf í jarðvegsfræði 12.des og ferðalandfræði 15.des....heim 18.des

Ein jarðsögustaðreynd:

"Saltið sem er í eldhússkápnum þínum er mjög líklega frá Salzbug í Þýskalandi og myndaðist á Trías fyrir 200 miljónum ára. Ef síðasti söludagur er merktur þá á hann við umbúðirnar"

Hverjum ertu líkur

2005-11-29T22:06:00.000Z

Fékk link á þessa síðu frá Snorra. Maður setur inn myndir af sjálfum sér og öðrum og gríðarstór algoritmi sér um að reikna út hverjum að stórstjörnum heimsins maður er líkur. Ákvað að skella okkur landfræðifélögunum inn. Ég set mig að sjálfsögðu í fyrsta sæti þar sem Ricky Martin hefur alltaf þótt líkjast mér í útliti....alveg óþolandi þegar ég fer á Óliver. Ingó kemur sterkur inn í annað sætið með Al Pacino í öðru, en kemst ekki upp fyrir mig þar sem Jackie Chan er líkastur honum. Steinþór á hinsvegar varla skilið þriðja sætið þar sem hann er líkur tveimur þeldökkum glæpamönnum úr Harlem. En Ton Cruise er þarna bara til málamynda. Drífið ykkur að skoða þetta þar sem linkarnir endast bara í 48 klst.

Myndir

2005-11-24T01:04:00.000Z

Setti inn fullt að gömlum myndum á myndasíðuna...bætti líka við myndum í sum albúmin. Próflestur að skella á og nenni ekki að blogga...þess í stað getið þið skoðað myndirnar, gamalt ÍS party, fjölskyldumyndir og fleira gott...linkurinn á að vera hérna til hægri

Embla

2005-11-16T12:43:00.000Z

Fór með Tóta í Raufarhólshelli á þriðjudaginn. Þetta er 1350 metra langur hraunhellir sem liggur undir Þrengslaveg. Vorum 2 tíma að klöngrast inn í botn og til baka. Ætlum að fara aftur á laugardaginn og taka skátasveitina hans Tóta með. Svo var ég að vinna kött í myndagetraun hjá Sigga. Þið getið lesið allt um þetta á heimasíðunni hans hér.
Annars var mbl.is og opna nýja leitarsíðu sem heitir Embla. Snilldarsíða sem virkar bara nokkuð vel. Til þess að próf gæði síðunnar sló ég inn "Ragnar Þrastarson" og komst af því að nafn mitt er á víð og dreif um veraldarvefinn. Set hérna stuttur lista yfir niðurstöður og innihald

Heimasíða Körfuknattleiksfélag Ísafjarðar (KFÍ), nafnið í myndatexta við hópmynd frá 98-99 og önnur frá 97-98
Eitthvað nefndur á KKDÍ spjallinu um samhengi við félagaskipti (KFÍ yfir í ÍS)
Mynd af mér þegar ég sat í Deildarráð Raunvísindadeildar Háskólans
Ég er á bloggsíðunni hans Ingó sem ég vissi ekki að væri til
Stórkostlegur árangur á Andrésar andarleikunum 1990, svig 9 ára drengir
Forsetamerkishafar í forsetatíð Ólafs Ragnars...er þar á lista ásamt Steinþóri á 3.ári í jarðfr. og Tóta að sjálfsögðu.

Mæli með þessu, maður veit aldrei hvar sig er að finna

Veikindi

2005-11-09T15:54:00.000Z

Er hægt og örugglega að ná mér eftir tveggja daga veikindi. Einhvur djöfuls hálsbólga að ganga. Held mér hafa tekist að smita tóta þegar hann kom í heimsókn í eina klst. Annars fór ég á ansi skemmtilega tónleikar í gær með Robin Nolan Trio...(who?). Þeir spila eitthvað sem kallast Gipsy Jazz...Hef hingað til ekki haft mikinn áhuga á jazz en þessir þrír ágætu menn heilluðu mig alveg. Tveir gítara og kontrabassi og allt instrumental. Tóku lög eftir bítlanna og fleiri góða. Hef bara aldrei séð svona gítarleik þar sem menn nota allan hálsinn á gítarnum og spila stakar nótur á ljóshraða. Annars vill ég óska systur minni til hamingju með fyrstu verðlaun í stuttmyndakeppni MÍ á Vetranóttum sem var að ljúka. Hún hefur alltaf verið listaspíran í fjölskyldunni og vonandi heldur hún áfram að þroska þessa hæfileika. Svo er Mugison í hljómsveit kvöldsins á rúv í kvöld. Hann var líka að setja nýtt lag á netið af little trip to heaven soundtrackinu...hljómar bara vel en því miður var bara hægt að ná í það í nokkra daga þannig að þið sem hafið ekki náð í það verðið að bíða aðeins lengur....og ef þið hafið áhuga þá er hér videoklippa úr heimildarmynd um "aldrei fór ég suður"...enjoy

Johnny Depp

2005-11-05T15:22:00.000Z

Ávað í dag að byrja á nýju þema í DVD safninu mínu. Fyrri þema hafa verið "Quentin Tarantino", "Stannley Kubrick". Nú er það semsagt leikari en ekki leikstjóri sem kallar sig Johnny Depp. Keypti Secret Window áðan á 999.- Svo er ég nýbúinn að sjá Charlie and the Chocolate factory þar sem hann fer gjörsamlega af kostum. Svo fór ég í bíó í fyrsta sinn síðan síðasta vor á miðvikudaginn. Fór á Nexus forsýningu með Ingó félaga á myndinni Serenity. Ótrúlega góð Sci-Fi mynd sem ég mæli sterklega með....þ.e.a.s fyrir ykkur sem fílið Sci-Fi.

Nokkrar "useless" staðreyndir um Johnny Depp

Var í unglingarokksveitinni The Kids og hitaði upp fyrir Iggy Pop
Seldi River Phoenix dópið sem drap hann
Spilar slide-gítarinn í Oasis laginu Fade in-out af Be here now...Gallagher var of fullur
Byggði Jack Sprrow persónuna á Keith Richard.....augljóslega ;-)
Var með ofnæmi fyrir súkkulaði sem barn

Annars er ég hægt og örugglega að lenda í lestrar- og verkefnamaraþoni í skólanum....enda nálgast próftímabilið á ógnarhraða. Er þessa stundina að skrifa ritgerð um hringrás vatns á jörðinni. Annars eru við systkinin að plana ferð til útlanda öll saman. Hún verður farin Þegar við verðum öll útskrifuð úr okkar skólum (Háskóla, menntaskóla og grunnskóla). Ætlum að helst að fara eins langt og við getum....Víetnam og Kambodía eru í sigtinu eins og er...en nóg um það...ætla að fara skrifa aðeins meira um vatn.

Forðist okkur

2005-10-30T14:10:00.000Z

Fór í leikhús í gær á Forðist okkur. Held að ég fari í leikhús á svona hálfs árs fresti. Minnir að ég hafi síðast farið á Grjótharðir með Kidda. En forðist okkur er leikrit upp úr teiknimyndasögum Hugleiks Dagssonar. Ótrúlega svartur húmor sem ég fíla mjög vel. Uppsetningin á sviðinu var líka mögnuð....allir áhorfendurnir sitja í miðjunni á skrifstofustólum. Svo fer leikritið fram allt í kringum mann og maður bara snýr sér eða færir sig til þess að sjá.....algjör snilld. En ég held að ég sé búinn að eyða nógu miklum peningum í menningarviðburði þessa önn.....og svo eru The White Stripes að koma í nóv....hvernig á maður að segja nei....það er ekki hægt.

Smá þjóðarsál....(hlutir sem ég hata í umferðinni)

Bílstórar sem ætla að hleypa manni yfir gangstétt en stoppa ekki....heldur gefa manni séns og gefa í ef maður er ekki líklegur til þess að hlaupa yfir.
Fólk sem leggur í fötluð stæði af því að það á flottari bíl en við hin. Persónulega fyndist mér að maður mætti brjóta framrúðuna í þessum bílum....enda er hún skyldutryggð.
Atvinnubílsstórar (leigubílstórar) sem telja sig yfir það hafna að gefa stefnuljós. Þeir eiga að sýna gott fordæmi þar sem þeir eru jú ... ATVINNUbílsstjórar.

PS veit ekki hvað Jóhann Sig. og Óskar voru að gera á bjórkvöldi Fjallsins....en Óskar skemmti sér mjög vel ef marka má þessa mynd

Airwaves uppgjör

2005-10-24T16:22:00.000Z

Aldrei hlustað á svona mikið af tónlist á jafn stuttum tíma. Ef ég á að benda á einhvern einn topp þá væri það Pétur Ben sem spilaði Billie Jean á kassagítarinn sinn (bæði bassa- og hljómborðslínuna). Maðurinn er beyond góður. Hann sleit reyndar 2 strengi í þessum 5 eða 6 lögum sem hann tók...en það var bara til þess að bæta stemmninguna. Sá bara The Mitchell brothers á föstudaginn. Varð frá að hverfa vegna óviðráðanlegra aðstæðna (túlkist að vild). Tók svo allt sem ég gat á laugardaginn og sá allt sem var í hafnarhúsinu auk þess að ná Úlpu á leikhúskjallaranum. En það verður samt sem áður að teljast klúður að aðstandendur hátíðarinnar hafi ákveðið að selja nóg að miðum til þess að fylla alla staðina. Þar að leiðandi var vonlaust (í flestum tilfellum) að skipta um stað á sama kvöldinu. En nóg um airwaves. Er að fara kaupa mér kort í líkamsræktarstöðinni Hreyfingu. Fór með Tóta áðan og tók hendur.....á í talsverðum erfiðleikum með að skrifa þetta eftir þau átök.

AudioScrobbler

2005-10-18T13:05:00.000Z

Var að uppgötva þessa síðu. Maður skráir sig og setur inn lítið add-on í spilarann, hvort sem það er winamp eða itunes. Svo safnar þetta add-on tónlistinni sem maður er að spila og sendir á þessa tilteknu síðu. Því næst fær maður feedback um hvernig tónlist manni gæti þótt góð....þ.e.a.s. út frá þeim upplýsingum sem maður sendir á síðuna. Í stuttu máli: ,,Ef þér líkar þessi tónlist gæti þér líkað þessi líka." Rosalega sniðugt til þess að finna góða tónlist sem maður hefu ekki ennþá heyrt. Fyrsti listinn sem ég fékk var samt frekar furðulegur, enda ekki byggður á mikilli hlustun. Þar var mér ráðlagt að hlusta á The White Stripes, Radiohead o.s.frv. ... og líka á Pál Óskar !!!! What....Pál Óskar....hvernig tengist hann því eðalrokki sem ég hlusta á....þessi síða er kannski eitt stórt samsæri til þess að koma ákveðnum tónlistarmönnum á framfæri.
Airwaves dagskráin fyrstu tvö:

Dagur 1: Gaukurinn allt kvöldið, NilFisk, Dimma, Dikta o.s.frv....rokk&ról
Dagur 2: Þjóðleikhúskjallarinn, Pétur Ben, Indigo, José Gonzales og Eberg. Langar reyndar mikið að fara og sjá Reykjavík! og Aparat í hafnarhúsinu...sé til.

Var að kaupa Boondock Saints í DVD....ef ykkur þykir Pulp Fiction góð þá er þetta málið. Hún fær reyndar bara 7,8 á IMDb sem er algjört vanmat....ég meina Ron Jeremy leikur í henni ;-)

Fastalandið

2005-10-15T14:19:00.000Z

Það var hörkustuð í eyjum. Vorum í 5 daga og fengum sýnishorn af allri veðráttu Íslands. Gistum á Hótel Þórshamir í tveimur aðskildum húsum. Við félagarnir vorum klárlega í lakari húsnæðinu, en engu að síður ágætis aðstæða. Fyrir ykkur sem trúið mér ekki með Árna Johnsen þá er hérna mynd. Fékk aðeins að taka í gítarinn með arnarklónni. Árni sagði mér að hann hefði kostað 700.000 kr....tók hóflega mark á því. Setti líka inn fleiri myndir frá Eyjum...getið nálgst myndasíðuna hér. Fór í vísó í gær í almennu verkfræðistofuna. Þar var veitt vel og gafst manni kostu á að taka með sér þær veigar sem ekki kláruðust á staðnum. Var reyndar á báðum áttu hvort ég ætti að fara, en ákvað á endanum að skella mér og sé ekki eftri því. Ætla að reyna læra eitthvað það sem er eftir af helginni. Ekki veitir af...nóg af fyrirlestrum og verkefnaskilum. Airwaves byrja svo á miðvikudaginn. Er að mastera dagskránna til þess að missi nú ekki af neinu merkilegu.

Stuð í Vestmannaeyjum

2005-10-12T10:50:00.000Z

... boðið að spila á gítar með Árna Johnsen...sagði nei

Í Öskju kl 1400

2005-10-08T15:14:00.000Z

Ákvað að láta Ipottinn bíða til betri tíma. Keypti jakka í útilíf fyrir sömu upphæð. Þetta er ein af þessum flíkum sem ég sé og verð að kaupa. Nýtti mér líka afslátt Íslenska Alpaklúbbsins upp á einhver 10%. Fór á októberfest í gær. Ágætis skemmtun en...alltof mikið af fólki og alltof fáar bjórdælur. Undir það síðasta var rakinn inní tjaldinu orðinn svo mikill að honum ringdi bókstaflega niður. Ekki mjög girnigleg að standa í svita- og líkamsvessarigningu 3000 manna. Skellt mér svo aðeins í Eggerstgötuna heim til Dodda. Stoppaði stutt við og hljóp í bæinn að hitta ofurhetjuna Ingólf Pálsson. Fórum á gæsaskitterí á hressó með tilheyrandi biðröð. Verð illa svikinn ef ofuhetjan fór ekki heim með eina undir hendinni. Annars er ég á fullu að undirbúa námsferð til Vestmannaeyja. Steinþór lét senda sér sérsmíðað 60 lítra kælibox frá Sæplast sem verður með í för. Hef reyndar smá áhyggjur af því að það verði þröngt um manninn á þessu gistiheimili...en það má þá alltaf stafla. Fer semsagt á morgun og kem aftur um hádegi á næsta föstudag. Efast um að ég bloggi eitthvað þangað til...bless á meðan

Ipott eða ekki ?

2005-10-03T22:26:00.000Z

Er að velta því fyrir mér hvort ég eigi að skella mér á Ipott. Þó ég hlusti mikið á músík þá held ég að shuffle týpan ætti alveg að duga með eitt gígabæt. Kostar 12900 í fríhöfninni og Kristjana systir að fara til Serbíu og Svartfjallalands á miðvikudaginn. Maður er víst ekki maður með mönnum nema maður sé með heyrnatól lafandi á bringunni. Svo eru líka færri hlutir sem geta bilað í shuffle spilaranum.
Annars var bíóið um síðusut helgi ágætt. Night of the living dead er mjög merkileg mynd fyrir margra kosta sakir; "Góða fólkið" hefur rangt fyrir sér. Aðalpersónurnar deyja allar og myndin endar í raun illa. Tekin á heilu ári fyrir utan Pittsburg (ekki í Hollywood) árið 1968 fyrir 12000 dollara. Aðalleikarinn er svartur á hörund. Fyrsta myndinn með uppvakningum (zombies). Man í fljótu bragði ekki eftir mynd þar sem barn er látið éta innyfli úr föður sínum.
Sá Sin City á DVD heima hjá Dodda á laugardaginn í alvöru víðómi. Alltaf er þetta jafn mögnuð mynd og ætti í raun heima sem listaverk á safni í París. Ætla að bíða með að kaupa hana þangað til í desember þegar hún kemur út í óklipptri útgáfu. Fróðir menn segja mér að 30 mín. hafa endað á klipparagólfinu sem sé búið að setja aftur inní þessa útgáfu...bíð spenntur.

Loksins klukkaður

2005-09-30T17:17:00.000Z

Ég er trekkari. Það er; fíla Star Trek og get ekki beðið eftir næsta Battlestar Galactica.
Þetta er 5. veturinn minn í Rvk og ég hef samtals notað strætó í þrjú skipti.
Ég syng með útvarpinu þegar ég er einn að keyra og rökræði stundum við sjálfan mig.
Allar klukkur í kringum mig verð að vera rétta (á videoinu, örbylgjuofninum o.s.frv.) Nota oftast klukkun á textavarpinu til þess að stilla eftir.
Sef oftast nakinn

Vonandi getið þið skemmt ykkur yfir þessu...Ætla í bíó í kvöld á Texas Chain Saw Massacre og Night Of The Living Dead í Tjarnarbíói sem er hluti af Reykjavik International Film Festival. Í dag var ákveðið að gera jarðgöng milli Ísafjarðar og Bolungavíkur. Þetta sannar það sem ég hef alltaf sagt. Vegagerð í Íslandi snýst hvorki um peninga eða arðsemi...hvað þá byggðarstefnu....heldur pólitík. Ætla annars bara að vera rólegur þessa helgi...kannski maður læri aðeins hlaupi nokkra kílómetra. Svo verðu Lappinn væntanlega handmálaður þess helgi.

Helgarslúðrið

2005-09-26T14:13:00.000Z

Stóðst ekki mátið og heimsótti Dodda ásamt Kidda á föstudaginn. Ákváðum mjög skyndilega að fá okkur í glas...enda Doddi einn heima og áfengi í hverju horni. Sennilega hef ég aldrei komið jafn seint heim...eða rúmlega 6. Fórum á Hressó til að byrja með, því næst bauð Kiddi upp á grjónagraut (skot) á Ari í Ögri. Enduðum svo á Celtic Cross eins og svo oft oft oft áður. Hittum Maríu Guðbjörgu ofurdjmmara sem var hress að vanda. Spjallaði svo helling við Pétur Jóhann Sigfússon...sem er meinfyndin andskoti. Við Pétur vorum svo þeir síðustu sem fórum út af Celtic áður en skellt var í lás. Allur laugardagurinn fór svo í að þrífa neðstaleitið...enda húseigendurnir á leiðinni. Á laugardagskvöldið bauð svo Doddi til Hvalkjötsveislu. Mættir: Ég, Doddi, Kiddi, Valur, Óskar og Jóhann. Meiru kjötinu var svo skolað niður með rauðvínum úr öllum heimsálfum ásamt dísætu ættarbruggi frá Dodda. Förinni var svo heitið á Rósenberg kjallarnann. Aldrei komið þar inn áður en þessi staður lofar góðu. Lifandi tónlit með fullskipaðri hljómsveit (held Ampop....allavega Jón Geir trommari). Svo var hljóðneminn opnaður ásamt hljóðfærum fyrir gesti gangandi. Hitti Albert Skraphéðinsson, sem nú vinnur hjá verkfræðistofunni Hnit, og spjallaði mikið við hann, þar sem við erum báðir miklir áhugamenn um vegagerð. Hitti svo Helgu Guðrúnu rétt eitt augnablik áður en ég ákvað að fara snemma heim svona til tilbreytingar

Icelandairwaves 2005

2005-09-19T16:24:00.000Z

Ákvað að kaupa mér miða á airwaves. Kostar reyndar rétt undir 6 þúsundum, en er samt alveg viss um að ég komi til með að sjá eftir því ef ég fer ekki.....eins og öll síðustu skiptin. Framundan er því hlustun á tónlist frá þeim tæplega 30 listamönnum sem mæta frá útlandinu. Get ekki sagt að ég þekki mikið af þessu. Hef heyrt um The Zutons og Junior Senior. Heyrði reyndar aðeins í Juliette Lewis og hljómsveit hennar The Licks. Hljómaði bara nokkuð vel. Annars hata ég Juliette Lewis sem leikkonu, veit ekki alveg hvað það er en get bara ekki horft á myndir með henni, nema kannski Natural born killers......okey og kannski From dusk til dawn. Svo held ég að José González sé nokkuð góður. Honum hefur verið líkt við Nick Drak. Hann hlýtur því að geta eitthvað. Fór inn á flash heimasíðuna hans og hún er ótúlega frumleg. Allur textinn á síðunni er skrifaður lóðrétt...maður endist svona 3 línur og þá er þolinmæðin búin.
Annars fór ég á tónleika á laugardagskvöld á 11 Bar með Kidda og fór að sjá NilFisk. Ekki laust við frændur mínir séu aðeins búnir að þróa hljóminn frá því þeir hituðu upp fyrir FooFighters í laugardalshöll. Skilst að það sé breiðskífa á leiðinn og bíð spenntur....jæja, nóg af tónlistarbloggi

Hljómsveit kvöldsins

2005-09-17T20:03:00.000Z

Þessa stundina er þátturinn Hljómsveit kvöldsins að klárast. Innihaldslýsing ríkisútvarpsins hljóðar upp á íslenska hljómsveit og létt spjall. Sú ágæta hljómsveit Hjámar reið á vaðið meðan Magga Stína, smekklega klædd að vanda, reyndi að seigja eitthvað sniðugt. Hún fær reyndar prik fyrir að vera bara hún sjálf....sennilega kann hún ekki annað. "Hljómsveit Kvöldsins" er að sjálfsögðu afrit af hinum frábæru þáttum BBC, Later with Jules Holland. Í þáttum Jules Holland koma reyndar tónlistarmenn frá öllum hornum heimsins og nokkrar í hverjum þætti. Magga Stína væri nú fljót að klára rjómann af íslenskri tónlist ef hún tæki fyrir 5 sveitir í hverjum þætti, þannig að formið er í sjlfum sér gott og gilt. Hljómsveitin Hjálmar er reyndar skipuð Svíum að stórum hluta...en þeir syngja í Íslensku. Það er því spurnig hvenær hljómsveit er íslensk eða útlensk. Er Eivör Pálsdóttir íslensk?....hún fær allavegna íslensk tónlistar verðlaun...rétt eins og Hjálmar. System of a down eru til dæmis ágætis ný-málms hljómsveit frá sem fleistir hada að sér frá L.A.....en allir eru meðlimirnir frá Armeníu. Fyrir mér væri íslensk hljómsveit t.d. Hvanndalsbræður.....sem leggja greinilega metnað sinni í tónlistina frekar en heimasíðugerð.

Útlönd

2005-09-12T21:57:00.000Z

Lengi dreymt um að fara eitthvað lengra en til Evrópu. Það hefur alltaf verið stefnan að fara eitthvað þegar maður klára B.Sc. Fyrst dettur mér í hug Las Vegas...svona til þess að sjá öfgarnar. Einnig kemur Rio De Janeiro til greina, væri ekki verra að taka eina kjötkveðjuhátíð. Hvað er betra en að fara í Brasilíu í miðjum febrúar og horfa á fáklæddar latino gellur dansa.....EKKERT ! Annars gróf ég upp þessa síðu hjá Hrafnhildi. Þar getur maður séð hvað maður hefur heimsótt mörg lönd. Samkvæmt þessu hef ég komið í 6% landa heimsins eða 14 stk. Maður verður nú að ná 10% fyrir fertugt.
Annars var ég að eignast nýja vinkonu. Hún býr fyrir utan svefnherbergisgluggan og er aldrei fjarri meðan ég sef með opinn gluggann. Tók af henni svona 25 myndir með nýju vélinni + flassi og henni virtist bara líka það nokkuð vel. Hún þykir nú frekar lágvaxin, kannski 1 cm í þvermál. Skellti inn einni mynd fyrir ykkur.

Reiknanlegar stelpur takk !

2005-09-10T15:59:00.000Z

Loksins búið að opna fyrir ADSLið í Neðstaleitinu, Það tók samtals 12 daga...frábær þjónusta. Tók smá ljósmyndagigg á fimmtudaginn og tók myndir af fótboltaliði Fjallsins í riðlakeppni í Háskólamótinu sem var í gangi í síðustu viku. Þeir sem vilja skoða afraksturinn geta farið inn á heimasíður Fjallsins og skoðað myndirnar þar. Fór á æfingu með ÍS í vikunni, ekki laust við að maður finni fyrir smá harðsperrum ennþá. Er að fara í afmæli í kvöld til Óskars og Vals. Held að það sé kútur, grillmatur og stripparar, þetta síðasta er reyndar ekki staðfest. Fór á nýnemakvöld í gærkveldi. Það var bara nokkuð vel mætt, endaði í Hressó í tómu rugli og vonbrigðum....nefni enginn nöfn ... en mikið rosalega geta stelpur verið óútreiknanlegar

Afsakið hlé ...

2005-09-04T09:45:00.000Z

Var að kaupa nýja tölvu og er að setja upp ADSL í neðstaleiti. Greinilega mikið að gera hjá símanum þessa daga ... það tekur 5 virka daga að opna fyrir ADLS tengingu hjá mér!. Kíkti út á föstudaginn með Steinþóri og Ingó, ágætis djamm...Vegamót, Kofinn, 22.
Annars á ég til með að skella inn tveimur myndum sem ég var að finna. Þær eru báðar af tveimur félögum mínu að vestan. Sú fyrri er af Jóhanni Sigurjóns. vaðandi í kvennfólki (sem er einsdæmi). Sú seinni er af Vali Nordahl og byrtist í Mannlífi í júlí 2004 í grein um sætu strákana sem vinna í byggingarvinnu í 101 og fantasíur tengdar þeim. Myndatextinn er "Brattir með borinn" ....sem verður að teljast frekar tvíræðið. Fyrir ykkur sem þekkið ekki Val þá megið þig giska hver er fyrirsætan á myndinni og hverjir eru óbreyttir verkamenn. Skólinn byrjaður og allt að komast af stað. Er að fara í námsferð til Eyja í eina viku í okt. og hlakka bara nokkuð til. Vorum að fá upplýsingar um hugsanlegan matseðil, þar er hægt að velja eftirfarandi samsetningu á morgunmat:
Morgunverður 1: Súrmjólk-mjólk-kornflex-te-kaffi. kr: 300
Morgunverður 2: Súrmjólk-mjólk-kornflex-te-kaffi-1 teg, brauð ostur-marmelaði. kr: 500
Þykist nú vita að ein tegund af brauði, ostur og marmelaði kosti ekki 200 kall í heildsölu, þannig að sennilega er búið að skera brauðið fyrir mann !!

Að koma af fjöllum

2005-08-07T16:42:00.000Z

Lítið hægt að blogga á þessum Drangajökli...enda lítið um símasamband. Hef sem sagt verið að safna gögnum fyrir lokaverkefnið. Fór af stað 28. júlí inn í Hrafnfjörð. Gekk í Reykjarfjörð og gisti einu sinni á leiðinni. Flaug heim með TF-POL 30. júlí. Fór svo inn í Kaldalón síðasta miðvikudag og gekk yfir í Leirufjörð með pabba. Gengum svo til baka daginn eftir. Það voru tveir stífir dagar. Gengum 25 km frá sjávarmáli uppí 840 metra og aftur niður á rúmum 12 klst, tvo daga í röð og geri aðrir betur. Setti inn nokkrar myndir úr þessum tveimur ferðum á myndasíðuna. Er u.þ.b. hálfnaður með þetta verk, ætla aðeins að hvíla þetta og reyna að vinna eitthvað. Svo setti ég inn fleiri myndir í amatör albúmið. Fékk annars 18þús kall frá skattinum til baka...bíður einhver betur ?

Útilega

2005-07-25T21:31:00.000Z

Fór á tónleika með Emiliönu Torrini á föstudagskvöldið í Víkurbæ. Þeir voru mjög góðir í alla staði. Náði góðu sæti þótt það væri fullt út úr dyrum. Stelpan tók aðallega lög af nýju plötunni, en eitthvað gamalt í bland. Eftir fyrstu 2 lögin kallaði hún út í sal...."Getur einhver reddað mér Wishkey...bara Jamerson". Fær prik fyrir það stelpan. Á laugardagskvöldið fór ég á ball með Grafík. Fínt ball nema hvað lítill bjór á 500kall...maður var ekkert mikið að splæsa á tjéllingarnar. Reif mig upp um hádegi á sunnudeginum og fór í fjallgöngu til þess að prófa græjurnar fyrir Hornstrandirnar. Sex tíma hike og þvílíkri blíðu í Álftarfirði. Á miðvikudaginn fer ég upp á Óshyrnu að mæla fyrir veðurstofuna og vegagerðina...alls 730 metra hækkun fótgangandi með fullt af mæligræjum á bakinu. Síðan er ég kominn í 10 daga frí ef frí skal kalla. Ætla fara strax á fimmtudagsmorgun inn í Jökulfirði að mæla fyrir lokaverkefnið og verð megnið af helginni. Ætla að skjótast heim í afmæli til ömmu og afa (70 og 75 ára) á Mánudeginum, en fer örugglega starx aftur inn í Kaldalón að mæla meira....svo fylgja veiðivötn einhverstaðar þarna á eftir. Ef ég er ekki nú þegar í besta gönguformi á ævinni þá verð ég það eftir eina viku...Everest hvað ??

Hótel ?

2005-07-18T22:44:00.000Z

Eftir viku dvöl á "Hótel" Bjarkalundi er maður loksins mættur aftur í Hafraholtið. Þetta getur nú ekki talist hótel, en það má kannski finna jákvæðar hliðar á því að hafa EKKI sjónvarp. Þjónustuliðið skipað þokkalegu kvennfólki, minnstakosti fallegra en í Chernobyl (aka Hólmavík). Missti af Ögurballi (Alvöru sveitaball) á laugardaginn. Held reyndar að lítið af mínu fólki hafi mætt. Hef fengið grænt ljós á lokaverkefnið mitt og er þegar byrjaður að plana verkefnið. Já...ég ætla að rölta í kringum Drangajökul. Keypti mér nýjan síma af Hafdísi og hann er ekki með myndavél...ákvað að lækka standardinn aðeins. Plan helgarinnar er að fara á tónleika með Emiliönu Torrini í Víkurbæ og jafnvel á ball með Grafík....veit einhver um partý ?

Drekktu betur

2005-07-09T17:07:00.000Z

Tónleikarnir á Þriðjudaginn voru svakalegir...QOTSA hefðu samt mátt spila lengur. Tók þátt í drekktu betur keppni á hinu rómaða kaffihúsi Langa Manga í gær. Í verðlaun var kassi af Karlsbergi. Var með Heiðu vinkonu í liði. Minnir að við höfum náð 12 réttum af 30 spurningum, sem er ekki alveg nógu gott. Klikkaði meira að segja á einni landfræðispurningu. Þannig að það var bara keyptur bjór í staðinn. Spyrill var Stóri (aka Dóri) Hermanns og fór hann á kostum eins og alltaf. Ljósmyndin sem ég sendi til keppni á DPChallenge lenti í 101. sæti af 443. Meðaleinkunn var 5,405 (af 10) sem verður að teljast ásættanlegt. Myndina er hægt að sjá hérna ásamt öllum upplýsingum. Er orðinn svolítið stressaður yfir því að vera ekki komin með gervitunglamyndina fyrir lokaverkefnið. Var samt búinn að heyra að það væri búið að ákveða að láta mig fá hana...Erfitt að reka á eftir þessu þegar allir eru í sumarfríi. Er að fara að mæla í Þorskafirði eftir helgi og þar er nú varla NMT samband...þannig að það verðu lítið bloggað í næstu viku.

QOTSA og Foo Fighters

2005-07-02T19:46:00.000Z

Tónleikar á þriðjudaginn með tveimur af mínum uppáhalds. Hlakka sérstaklega mikið til þess að sjá QOTSA, þó þá vanti Nick Oliveri sem hefði væntanlega spilað alsber eins og honum er einum lagið. Annars er ég að spá mikið í bílamálum þessa stundina. Aðeins farið að slá í Galantinn, enda kominn yfir 200 þús. kílómetra. Held að þetta eigi eftir að enda í einhverjum litlum stelpubíl. Efst á listanum er Peugoet 206 ca. 99 árgerð. Fast á hæla hans fylgja Toyota Yaris og VW Golf. Þetta eru nú allt saman skref niður á við frá Galantinum. Á örugglega eftir að kaupa aftur Galant, en þangað til verður minni bíll að duga. Fallegar stelpur fara alltaf vel undir stýri á svona smábílum...veit ekki hvað það er...kannski maður "kaupi" bara eina svoleiðis með ?

Helgarfrí ?

2005-06-26T18:26:00.000Z

Föstudagskvöldið fór í að æfa sveifluna með nýju flugustöniginni. Hef verið að mastera svefluna hjá Henrik Mortensen sem ég á á DVD. Held að ég sé á réttri leið með þetta, en hefði sennilega gatað á mér eyrað hefði ég byrjað með flugu á endanum. Á laugardaginn fór ég túr sem áhafnarmeðlimur á björgunarskipinu Gunnari Friðrikssyni með fullt af gömlum sjómönnum að Grænuhlíð, Sléttueyri og Hesteyri. Lögðum að stað kl 11 og komum heim rétt fyrir 8 um kveldið. Fékk kjötsúpu hjá Vagnssytrum á Hesteyri og bragðaðist hún mjög vel...enda 3ja daga gömul. Sunnudagurinn fór að mestu í afslöppun, ákvað samt að fara í smá fjallgöngu með Kristjönu systir og taka nokkrar myndir á nýju vélina. Ákvað svo að senda eina mynd í ljósmyndakeppni á Digital Photography Contest. Þemað í keppninni var "obsolete". Þið getið séð myndina hérna

Klám utan vegar í Hestfirði

2005-06-21T22:34:00.000Z

Var að þversniðmæla í Hestfirði í gær þegar ég sá glitta í eitthvað skínandi og fallegt. Ákvað að tékka á þessu og reyndist þetta vera DVD diskur. Skammt frá fann ég svo hulstrið og í því var restin af fjögurra diska safni af þýsku klámi. Á ennþá eftir að renna innihaldinu í gegnum spilarann, en hulstrið lofar góðu. Held samt að móðir náttúra af leikið diskana grátt, enda held ég að það sé ekkert náttúulegt við innihald diskanna. Ef þið vitið um einhvern sem saknar "Teeny Power" volume 1,2,3 og 4 þá látið mig vita...annars hendi ég þessu.....kannski.

Nýtt blog

2005-06-21T19:57:00.000Z

Daginn...Ákvað að smella upp þessu netbloggi sem verður vonandi til bráðabyrgða...en hver veit. Búið að vera hellingur að gera í vinnu sem er ágætt. Skrapp í borg óttans síðustu helgi. Þar var verslað ótæpilega og kortið notað óspart. Myndavél, Flugustöng + hjól og vöðlur, varahlutir í bílinn, föt, skór o.fl. Bið að heilsa í bili